RRZ 245 Yesu, okanfeera
Versi
Version
1
1
Yesu, okanfeera
Ahabw’okunkunda;
Mbwenu nkwimire ki
Omutima gwangye?
Byona ka mbikuhe,
Mb’ owaawe buzima;
Okukwehongyera
Nibwo busingye.
2
Nootutonganira
Ahari Tataitwe;
Tuh’ amaani gaawe,
Tukuheereze.
Tugambire boona
Ebi waatukoreire,
Tukuhimbisise
Omu micwe yaitu.
3
Ninkundira kimwe
Kushushana naiwe,
Obutoosha ngume
Nkor’ ebi okunda.
Abari omu naku
Mbagirir’ esaasi,
N’ab’omu mwirima
Mbakureetere.
4
Ebi nyine byona
Niiwe waabimpaire;
Ka mbikusiimire,
Mukama wangye.
Ku ndiz’ omu iguru,
Naareebana naiwe,
Ndyaguma ndi owaawe
Ninkuheereza.
OK
Terima kasih untuk bantuannya. Link sudah kami terima. Kami akan memprosesnya terlebih dahulu.
© 2010–2024 Tim Alkitab
© 2010–2024 Quick Bible Team
