BE 484 O TUHAN AU MA DONGANMI
Versi Version 1
1
O Tuhan, au ma donganMi, rap hita sauduran i.
Masitungkaran hatama, au dohot Ho, o Debata.
2
Sai naeng arahononku do sude, na lilu, asa ro.
Tu Ho, o Jesus Tuhanki, asa martua dohot i.
3
Lam benget ma rohangkinon manganju angka dongankon.
Lam sesaonku dosa nii, ai au do niasianMi.
4
Paboaonku holongMi tu sasude na holom i,
Sai lam tiur ma roha nii, dibaen asi ni rohaMi.
5
Mardalan au rap dohot Ho, so marnaloja, ndang dung so.
Mangalului na mago i, apala i ulaonMi.
6
Paima sae ulaon i, sude mananda asiMi,
Rap hita lao tu jabuMi, saleleng ni lelengna i.

OK